Денсаулық – баға жетпейтін асыл дүние. Ол адам өміріндегі ең бағалы дүние болғандықтан, әр адам баласы өз денсаулығына көңіл бөле қарау қажет, оны орынсыз ысырап етпеу керек, үнемі денсаулықтың қорын көбейтіп отыру керек.Оның негізгі көзі- бұл спорт. Мектеп қабырғасындағы жас жеткіншектерді саламатты өмір салтына баулу бұл олардың болашақтағы өз денсаулығына және спортқа деген қызығушылықтарын арттырады.
Павлодар облысы,Ертіс ауданы, Абай ЖОББ мектебінде демеушілер ұсынысымен «Жылдам,жоғары ,күшті» тақырыбында спорттық этафета ұйымдастырылды.. Жарыстың мақсаты — оқушыларға денсаулықтарына жауапкершілікпен ұқыпты қарауға тәрбиелеу. Оқушылардың танымдық қабілеттерін дамыту, топпен жұмыс істеуге тәрбиелеу болып табылады.
Салтанатты түрде жарыс мектеп директорының м.а А.С Ашенованың құттықтау сөзімен ашылды. Мектеп ұжымы атынан демеушілерге алғыс білдірді. Жарыс демеушілері Е.Какимов пен Р. Акмурзаев қатысушыларға сәттілік тіледі. 5-8 сынып оқушылары эстафеталық жарыстарға қатысса, 9-11 сынып оқушылары күш сынасу сайысына белсенді қатысты. Сайыс бірнеше кезеңдерден тұрды, оқушылар керемет көңіл күйде болып, өте белсенді қатысты.
Жарысты әділқазы алқалары бағалап сайыс қортындысын шығарды.Жүлделі орындарға ие болған барлық оқушылар демеушілер дайындаған бағалы сыйлықтармен марапатталды.
Оқушыларға денсаулықты нығайтудың негізгі көрсеткіші ол спортпен айналысу екендігін түсіндірілді. Сондай -ақ, денсаулық- баршаға ортақ ең басты байлық, өмірдің басқа игіліктеріне қарағанда әлдеқайда құнды, көтеріңкі көңіл күй, үлкен бостандық, сергек қимыл екендігі айтылды. «Тәні саудың- жаны сау» демекші еліміздің ертеңі жастардың қолында. Сондықтан саламатты өмір салтын ұстаған , «Жылдам,жоғары, күшті» жастарымыз ел мерейін асқақтатады деген сенімдеміз!
